KALAK – Vinafélag Grænlands og Íslands
Íslendingar sýna það og sanna að þeir bregðast hratt við þegar okkar næstu grannar lenda í hremmingum. Strax er fréttir bárust af því að samkomu- og tónlistarhús þeirra í Kulusuk hefði orðið eldi að bráð var hugað að söfnun sem vakið hefur athygli.
Hjörtur Smárason vakti manna fyrstur athygli á málinu og skoraði á landsmenn. Félagar í Kalak og Hróknum, skákfélaginu, með Hrafn Jökulsson fremstan í flokki, brugðust við kallinu ásamt fjölda fólks og markmiðið er að aðstoða við uppbyggingu hússins, sem hann Hendrik kennari í Kulusuk hafði fengist við að endurgera undanfarin misseri, og fylla það af alls kyns hljóðfærum frá Íslandi.
Lars Peter Stirling, skólastjóri í Kulusuk, hefur sent formanni Kalak skeyti þar sem hann þakkar stuðninginn frá íslensku vinum sínum, en hann hefur tekið þátt í mörgum verkefnum sem Grænlendingar og Íslendingar hafa komið að.
Hér má sjá greinar um málið á Pressunni, í DV og frétt um brunann í Sermitsiaq.
http://www.pressan.is/Frettir/Lesafrett/tonlistarhus-baejarins-brann-til-osku-i-farvidri
http://www.dv.is/frettir/2013/3/12/allt-thetta-vard-eldinum-ad-brad/
http://sermitsiaq.ag/node/149279
Eins og Hrafn Jökulsson sagði:
Frábært að finna vinarhug Íslendinga til Grænlendinga. KALAK – vinafélag Íslands og Grænlands – hefur nú opnað söfnunarreikning vegna brunans mikla í Kulusuk. Reikningsnúmerið er 0322-26-002082, kennitala 4303942239. Hér gildir hið fornkveðna: Margt smátt gerir eitt stórt.
