KALAK – Vinafélag Grænlands og Íslands
Carsten Egevang er einhver magnaðasti arctic ljósmyndari sem fyrirfinnst. Hann heldur úti síðunum:
www.carstenegevang.com
og http://www.arc-pic.com/
Carsten mætti með félaga sínum í grunnskólann í Ittoqqortoormiit skömmu fyrir páska og sá þá Hrafn Jökulsson og Stefán Bergsson á útopnum í fjöltefli. Tefldu þeir við ríflega tuttugu manns í einu, hvor. Fólk á öllum aldri en þó auðvitað væru langflestir grunnskólanemendur. Samtals urðu skákirnar níutíuogníu!
Þess má geta að þetta voru sjöttu páskarnir í röð sem Hrókurinn, í samstarfi við Kalak, sendi leiðangur þarna uppeftir svo krakkarnir kunna heldur betur alveg orðið að tefla.
Þeir félagar mynduðu uppákomuna en voru strax morguninn eftir á leið í veiðimannakofa í 40 km fjarlægð, semsagt lengst úti á ísnum þar sem Carsten hélt ljósmyndasýningu. Það reyndist ómögulegt fyrir ferðalangana að kíkja á sýninguna, enda bæði langt, kallt og vont færi svo vitað var að snjósleðarnir myndu hoppa og skoppa meirihluta leiðarinnar.
Þó mættu átta manns á fjórum snjósleðum á sýningu Carstens sem var himinlifandi með góða mætingu.
Carsten og félagar voru svo samferða íslensku skáktrúboðunum yfir sundið með vél Flugfélags Íslands að aflokinni vel heppnaðri skák- og ljósmyndaferð.
Þessar skemmtilegu myndir tók Carsten í grunnskólanum við Scoresbysund.
