KALAK – Vinafélag Grænlands og Íslands
Stefán Herbertsson formaður KALAK og margreyndur skáktrúboði lék fyrsta leikinn á Minningarmóti Gerdu Vilholm
Liðsmenn Hróksins og KALAK standa nú fyrir III. Polar Pelagic-skákhátíðinni á Austur-Grænlandi og hefur skákgleðin verið við völd síðan á miðvikudag. Leiðangursmenn dvöldu fyrstu dagana í Kulusuk, næsta nágrannabæ Íslands, og stóðu fyrir kennslu og fjölteflum í grunnskóla bæjarins. Börnin í Kulusuk eru sleip í taflmennskunni, enda hafa Hróksliðar heimsótt þorpið margoft á undanförnum árum.
Leiðangursmenn eru Hrafn Jökulsson forseti Hróksins, Stefán Herbertsson formaður KALAK – vinafélags Íslands og Grænlands, og Kristjana Guðmundsdóttir Motzfeldt, en hún er sá Íslendingur sem best þekkir til Grænlandi.
Eftir vel heppnaða hátíð í Kulusuk lá leiðin til Tasiilaq, sem er höfuðstaður Austur-Grænlands, með um 2000 íbúa. Á laugardag heimsóttu leiðangursmenn m.a. PITU-heimilið sem er rekið fyrir börn sem ekki geta verið hjá fjölskyldum sínum. Hróksmenn þekkja þar vel til, eftir margar heimsóknir á PITU-heimilin í Nuuk og Tasiilaq á síðustu árum. Öll fengu börnin gjafir frá Íslandi. Þá heimsóttu Hróksliðar dvalarheimili aldraðra í Tasiilaq með blóm og konfekt, og áttu síðan mjög gagnlegan fund með formanni nýrrar deildar Rauða krossins í Tasiilaq.
-
- Frá Minningarmóti Gerdu Vilholm
-
- Baráttugleði á Minningarmóti Gerdu Vilholm
Hápunktur hátíðarinnar var Minningarmót Gerdu Vilholm í Tasiilaq nú á sunnudag. Gerda sem var einn helsti máttarstólpi samfélagsins í Tasiilaq lést í janúar, 73 ára að aldri. Hún opnaði og rak einu bókabúð Austur-Grænlands, sem jafnframt var griðastaður barnanna í bænum sem þangað komu daglega til að tefla og eiga góðar stundir.
Kristjana G. Motzfeldt og Gerda Vilholm. Gerda dó í janúar. Hún var útvörður Hróksins og skáklistarinnar á Austur-Grænlandi
Við setningu mótsins í Tasiilaq flutti Justus Hansen falleg minningarorð um Gerdu. Justus er þingmaður og varaborgarstjóri sveitarfélagsins Sermersooq, sem nær allt frá höfuðborginni Nuuk á vesturströndinni til allra byggða á austurströndinni. Hann lýsti mikilli ánægju með starf Hróksins og KALAK á Grænlandi, og mun beita sér fyrir því að skák verði meðal kennslugreina í skólum á Grænlandi.
Næstu daga munu leiðangursmenn kenna í grunnskólanum í Tasiilaq og heimsækja skóla fyrir ungmenni sem eru að snúa aftur á menntabrautina.
Polar Pelagic-hátíðin á Austur-Grænlandi markar upphaf að 14. árinu sem Hróksmenn og félagar útbreiða skák, vináttu og gleði á Grænlandi.
-
- Anna Kuitse formaður nýrrar deildar Rauða krossins í Tasiilaq og Kristjana G. Motzfeldt
-
- Kristjana G. Motzfeldt og Gerda Vilholm. Gerda dó í janúar. Hún var útvörður Hróksins og skáklistarinnar á Austur-Grænlandi
-
- Stefán Herbertsson formaður KALAK og margreyndur skáktrúboði lék fyrsta leikinn á Minningarmóti Gerdu Vilholm
-
- Frá Minningarmóti Gerdu Vilholm
-
- Baráttugleði á Minningarmóti Gerdu Vilholm
-
- Hrafn Jökulsson forseti Hróksins færir Justus Hansen þingmanni frá Tasiilaq. Justus mun beita sér fyrir því skák verði kennd í grunnskólum Austur-Grænlands
-
- Glaðbeittur keppandi í Tasiilaq ásamt lukkudýri Polar Pelagic hátíðarinnar
-
- Kátir kappar á Minningarmóti Gerdu Vilholm í Tasiilaq
-
- Hrafn Jökulsson teflir fjöltefli í Kulusuk
-
- Krakkarnir í Kulusuk kunna bæði að tefla og gleðjast
