KALAK – Vinafélag Grænlands og Íslands
Nú dregur að lokum landssöfnunarinnar okkar, en það er sitthvað skemmtilegt eftir: Heiðurskonan Sólveig Ásta Ásgeirsdóttir leggur til þennan gullfallega selskinspels, sem hún eignaðist í Kaupmannahöfn fyrir 25 árum. — Eggert 
feldskeri staðfesti upprunann strax, pelsinn væri úr grænlenskum útselsskinnum, saumaður þar af miklu listfengi og seldur í frægri feldskerabúð í Kaupmannahöfn; og er ennþá nánast einsog nýr!
,,Selskinn þykja svo sexí,“ segir feldskerinn og veit hvað hann syngur. Og þetta er sko flottur pels, það sá hann á augabragði.
Barnabarn og nafna höfðingskonunnar, crossfit-stjarnan Sólveig Sigurðardóttir brá sér í fyrirsætuhlutverkið hjá Garpi frænda, en það var svo Máni sem var með myndavélina þegar við Klara Stephensen, stórvinkona okkar, heimsóttum Eggert með pelsinn góða í farangrinum.
Þau sem vilja skoða gripinn geta litið við í búðinni hans Eggerts næstu daga — en ég tek glaðlega við tilboðum, hvort sem er í athugasemdum, einkaskilboðum eða tölvupóstfanginu hrafnjokuls@hotmail.com.
Hver einasta króna söluandvirðis rennur óskipt í landssöfnuna okkar og þar með til fórnarlambanna og flóttafólksins á Grænlandi.
Látið þetta nú berast til elskulegs fólks með auraráð, kæru vinir. Nú er hægt að slá tvær flugur í einu höggi: Eignast þetta drottningardjásn — eða konungsgersimi — styðja í leiðinni málstað vináttu og kærleika!
Koma svo! ?
♥♥♥♥♥♥♥♥♥♥♥♥♥♥♥♥♥♥
Nánari upplýsingar glaðlega veittar
Talsmenn Vináttu í verki:
- Íris Björk 845 1876
- Karl Ottesen Faurschou: 783 1293
Hrafn Jökulsson, skipuleggjandi Vináttu í verki: 763 1797
Bjarni Gíslason framkvæmdastjóri Hjálparstarfs kirkjunnar: 528 4402
♥♥♥♥♥♥♥♥♥♥♥♥♥♥♥♥♥♥
Reikningsnúmer Vináttu í verki:
- 0334-26-056200
- Kennitala 450670-0499
Þá er hægt að hringja í 907-2003 og leggja þannig til 2.500 krónur.
Áfram Grænland — lifi vináttan!
