KALAK – Vinafélag Grænlands og Íslands
Hrókurinn og Kalak bjóða til fagnaðarfundum með vinum frá Grænlandi, laugardaginn 16. mars kl. 14, í Pakkhúsi Hróksins, Geirsgötu 11 við Reykjavíkurhöfn. Boðið verður upp á tónlist, veitingar og fræðslu um Grænland.
Steffen Lynge er skákmeistari, tónlistarmaður og lögreglumaður, sem starfað hefur víða á Grænlandi. Hann tók þátt í fyrsta alþjóðlega móti Hróksins í Qaqortoq 2003, og hefur síðan verið burðarás í starfi Hróksins þar í landi. Steffen sigraði á meistaramóti Nuuk í fyrra, og hlaut Íslandsferð í verðlaun frá Air Iceland Connect. Hann er líka kunnur tónlistarmaður og lagahöfundur.
Dines Mikaelsen frá Tasiilaq er hér á ferð ásamt Færeyingnum Birgi Hansen, og tveimur unglingspiltum frá Tasiilaq, Samuel Mikaelsen og Mikael Bajare. Dines er allt í senn veiðimaður, listamaður og rithöfundur og hefur lagt sérstaka rækt við að varðaveita menningu Austur-Grænlendinga.
Við sama tækifæri verður haldin sýning á teikningum barnanna í Kulusuk, en þar voru Hróksliðar á ferð fyrstu vikuna í mars.
-
- Hrafn Jökulsson og Steffen Lynge, sem sigraði á meistaramóti Nuuk 2018 og hlaut Íslandsferð í verðlaun.
-
- Dines Mikaelsen er víðkunnur veiðimaður, sagnameistari og listamaður frá Austur-Grænlandi. (1)
