KALAK – Vinafélag Grænlands og Íslands
Nýlega kom út forvitnileg bók fyrir áhugafólk um norrænar slóðir. Bókin heitir Í fjarska norðursins, Ísland og Grænland, viðhorfasaga í þúsund ár. Efniviðurinn er saga viðhorfa til Íslands og Grænlands frá miðöldum til okkar daga.
Í bókinni er leitað svara við því hvers vegna íbúum þessara landa hefur ýmist verið lýst sem verstu villimönnum eða fyrirmyndarfólki og af hverju Íslandi og Grænlandi hefur stundum verið lýst djöflaeyjum og stundum sem fjársjóðs- eða sælueyjum.
Bókin er tæpar 400 síður með um 200 myndum. Áhugasamir geta haft samband við Sögufélagið, sogufelag@sogufelag.is, sími 7816400 eða beint við höfund í síma 8918674 eða með tölvupósti sumarlidi@hi.is.
Tilboðsverð til félaga í Kalak er 7.900 kr.
Höfundur bókarinnar, Sumarliði R. Ísleifsson, er doktor í sagnfræði og lektor í hagnýtri menningarmiðlun við Háskóla Íslands.
Hann hefur kannað ímyndasögu Íslands og Grænlands um langt skeið og fjallað um það í greinum og bókum.
