Frá Norræna félaginu:
Norræna félagið skipuleggur hátíðahöld á Óðinstorgi á Menningarnótt, 24. ágúst
næstkomandi í samvinnu við Höfuðborgarstofu og nágranna okkar á veitingastaðnum
Snaps og á kaffihúsinu C is for Cookie sem verða með opið allan daginn. Í
tengslum við verkefnið Torg í biðstöðu hefur hluti torgsins gengið gegnum
miklar breytinar sem tilvalið er að kíkja á.
Í ár er markmiðið að skapa þægilega og skemmtilega stemmningu með alþjóðlegum
blæ. Boðið verður upp á fjölbreytta skemmtun fyrir börnin, til dæmis verður
bílastæðunum breytt í krítarlistsmiðju, vinabönd búin til og útileikföng fyrir
yngstu kynslóðina verða á staðnum. Útileiksvæðið verður opið frá kl. 13:00 –
18:00.
Listamenn koma fram á sviði á Óðinstorgi frá kl. 13.00 og fram til kl. 18.
Boðið verður upp á fjölbreytta tónlistarveislu á léttu nótunum ásamt
dansatriðum.
Dagskrá á Óðinstorgi:
13.00 – 18.00 Útileikföng á Óðinstorgi
13:00 Bogi Ágústsson, formaður Reykjavíkurdeildar setur torghátíð
13:10 TANYA og Zumba Dívurnar dansa
13:30 Lindy hop
13:40 Una Stef
14:30 Afríski dans- og trommuhópurinn Barakan
15:00 Reggae Sunsplash Ísland
15:30 Ingunn Huld
16:30 Hljómsveitin Treisí
17:00 Fox Train Safari
17:30 Contralgen Funeral
Heimilisiðnaðarfélagið sýnir þjóðbúninga frá kl. 14 – 16.
Dagkránni lýkur um kl. 18:00
Skrifstofa Norræna félagsins er að Óðinsgötu 7, 101 Reykjavík, sími 5510165, bréfsími 5628296, netfang norden@norden.is, vefslóð www.norden.is
Velkomin í spjall og kaffi!
Norræna upplýsingaskrifstofan er að Kaupvangsstræti 23, 600 Akureyri, sími 4627000, netfang mariajons@akureyri.is, netslóð www.akmennt.is/nu