KALAK – Vinafélag Grænlands og Íslands
Nú má sjá grænlenskan spennutrylli eða kannski fremur hroll með þjóðlegu ívafi í Bíó Paradís. Skuggarnir í fjöllunum eða Qaqqat Alanngui hefur dregið nær tuttugu þúsund manns í bíó á Grænlandi, af þeim 56 þúsund sem þar búa. Hún var gerð 2011 og leikstjóri er Malik Kleist en Freyr Líndal Sævarsson kvikmyndaði.
Myndin fjallar um nokkur ungmenni sem ætla að dvelja í fjallaskála í nokkra daga en verða þess fljótlega áskynja að þau eru ekki alveg ein þarna á fjöllum.
Eða eins og Þórarinn Þórarinsson segir í dómi sínum á kvikmyndavefnum Svarthöfða:
“Og fljótlega skýtur upp kollinum hettuklæddur skrattakollur í selskinnsgalla sem áhorfendur vita að boðar ekkert gott þar sem við fengum að sjá hann skera ungan mann á háls í upphafsatriði myndarinnar sem átti sér stað átta mánuðum áður en unglingarnir hressu lögðu upp í sína feigðarför”.
Dóm Þórarins má sjá hér: http://svarthofdi.is/gagnryni/qaqqat-alanngui-skuggarnir-i-fjollunum
